"Космас "Вянка": вечарына да 100-годдзя кнігі Максіма Багдановіча

Дата публікацыі: 01.04.2013

2322

12 красавіка (пятніца) а 18-й гадзіне ў Музеі Максіма Багдановіча (вул. Багдановіча, 7а) адбудзецца вечарына "Космас “Вянка”, прысвечаная 100-годдзю з выхаду ў свет паэтычнага зборніка "Вянок".

Падчас імпрэзы вас чакаюць:

прэзентацыя арыгінальнага зборніка “Вянок” з фондаў Літаратурнага музея М. Багдановіча;

лекцыя, прысвечаная гісторыі стварэння зборніка;

аналіз касмічных з’яваў у паэзіі М. Багдановіча ад этна-астранома Цімафея Авіліна;

паэтычныя чытанні, прысвечаныя 100-годдзю “Вянка”.

Уваход вольны

***

У межах культурна-адукацыйнага праекта "Рэлікт" на працягу года адбудзецца шэраг прэзентацыйных мерапрыемстваў, якія дапамогуць пазнаёміцца са скарбамі музея Максіма Багдановіча. Будзе магчымасць пабачыць унікальныя прадметы з фондаў музея па-за межамі пэўнай экспазіцыйнай сістэмы, цалкам сканцэнтраваўшыся на іх гісторыі і на тым, якую ролю яны адыгралі ў жыцці і творчасці маладога генія беларускай літаратуры.