Мастацкая акцыя «Вераснёвая ноч»

12 верасня 2015 года з 18.00 да 22.00 Нацыянальны мастацкі музей запрашае правесці свята горада ў кампаніі паэтаў і музыкантаў, фатографаў і танцораў, рэжысёраў і акцёраў.

У "Вераснёвую ноч" кожны госць музея адчуе сябе ўдзельнікам дыялогу мастацтваў. Тэмай арт-праекта стане «Горад як прастора культуры», пад дэвізам «Горад ідзе ў музей».

«Вераснёвая ноч» – традыцыйная акцыя Нацыянальнага мастацкага музея, прымеркаваная да святкавання Дня горада Мінска. У гэтым годзе тэма музейнага свята – гарадскія прасторы.

Падобна таму, як вуліцы дзеляць горад на кварталы, наш музей будзе падзелены на асобныя пляцоўкі-лакацыі, кожная з якіх прадставіць адзін з відаў мастацтва – паэзію, кіно, танцы, музыку, тэатр і, вядома ж, жывапіс.

Праграма «Вераснёвай ночы» насычана яркімі імёнамі: А. Глобус, паэтычныя праекты «Лiтара-А» і «Чытаю на плоце», рэжысёр В. Аслюк, Ягор Квартальны, група «TonqiXod».

У гэты вечар нашых гасцей чакаюць лекцыі ад Мікіты Моніча, пары Алега і Таццяны Ойстрахаў і Аляксандра Братачкіна, танцавальныя майстар-класы, інтэрактыўная тэатральна-дыскусійная пляцоўка па методыцы форум-тэатра БОС, дзіцячая творчая пляцоўка.

Таксама на працягу ўсяго мерапрыемства Кінашкола Андрэя Палупанава сумесна з крэатыўным агенцтвам INQ правядуць кіна-гульню-здымку кароткаметражных фільмаў з удзелам наведвальнікаў музея.

Акрамя таго на ўсіх пляцоўках будуць працаваць фатографы, а яшчэ госці музея змогуць зрабіць здымкі ў стылізаванай фотазоне.

Чакаем Вас!

Паводле прэс-рэлізу