(Не)страшныя казкі Уладзіміра Караткевіча

Дата публікацыі: 27.11.2019

451

Скарбніца фондаў Літаратурнага музея Максіма Багдановіча поўная нечаканых прадметаў. Не ўсе яны маюць дачыненне да самога Максіма, але ад гэтага яны не робяцца менш цікавымі. Пра адзін з іх і пойдзе гаворка на чарговай імпрэзе серыі «Рэлікт», на якой мы знаёмім наведвальнікаў з нашымі фондамі.

Музей прадставіць вашай увазе аўтограф Уладзіміра Сямёнавіча Караткевіча, адрасаваны пісьменніку Адаму Глобусу, які дапаможа нам даведацца пра гісторыю стварэння «Страшнай казкі», а таксама распавядзе пра свайго знакамітага суседа па лесвічнай пляцоўцы ў доме на вуліцы Карла Маркса.

Удзельнікі імпрэзы паразважаюць пра казачны фармат, пачуццё гумару, узаемасувязі і ўзаемаўплывы ў творчасці, а лірычным складнікам мерапрыемства будуць песні Рамана Яраша на словы Уладзіміра Караткевіча.