Прэзентацыя гістарычнай кнігі ў Гомелі

Дата публікацыі: 17.09.2013

3590

25 верасня ў Музеі гісторыі Гомеля адбудзецца прэзентацыя чарговай кнігі вайскова-гістарычнай серыі “Беларусь у войнах”.

У сваёй працы Дзмітрый Матвейчык асноўную ўвагу звяртае на вайсковы аспект падзеяў Паўстання 1863-64 у Беларусі. У навукова-папулярнай форме апісваюцца фармаванне паўстанцкіх арганізацый, баявыя дзеянні паўстанцкіх атрадаў і мерапрыемствы расійскіх уладаў па падаўленні паўстання і рэпрэсіі супраць яго ўдзельнікаў. Аўтар, беларускі гісторык–архівіст, закранае амаль не даследаваныя бакі гэтых падзеяў. Нарыс баявых дзеянняў, пры пэўнай вузкаспецыяльнай скіраванасці, выкліча цікавасць у шырокага кола аматараў гісторыі.

Імпрэза адбудзецца ў 18.30 па адрасе вул. Пушкіна, 32.